Activitats occitanes del CIRDOC Besiers

Activitats occitanes del CIRDOC Besiers

L’educacion artistica e culturala constituís una de las prioritats de l’ensenhament. Una chança pel desvolopament dels publics de l’occitan. Lo dinamisme de la creacion artistica es en efièch una entrada a l’encòp pel public en descobèrta e per los escolans ja inscriches dins un percors occitan. Lo CIRDÒC, dins l’encastre de sas missions de desvolopament dels publics e dels servicis numerics a realizat la Maleta, site wèb mobil destinat als escolans mas tanben als ensenhaires e als mediators culturals en demanda d’un otís simple, utile e atractiu. Lo CIRDÒC presentarà aquel servici als « Rencontres de l’EAC », coorganizats per LR2L e la BnF a la bibliotèca Carré d’Art de Nimes lo 12 de novembre que ven.

Coneissença – La Granda Guèrra en occitan es sus Occitanica

Jornals de trencadas, cartas postalas e afichas de propaganda, carnets e correspondéncias de combatents… en 2014, lo CIRDÒC lançava un grand trabalh d’inventari dels documents en occitan de la Granda Guèrra. En 2015, l’exposicion Lenga(s) de Guèrra es disponibla en version numerica.

Ne saber +
Visitar la mòstra Descobrir las resultas del inventari

Recèrca – La recèrca aplicada al dintre del CIRDÒC

En partenariat amb lo laboratòri de recèrca LLACS-RedÒc e l’universitat Pau-Valeri Montpelhièr-III, lo CIRDÒC e l’Agéncia Nacionala recèrca e tecnologia (ANRT) an signat una convencion CIFRE permetent d’emplegar Noemia Eyraud, jove doctoranta, per trabalhar sus las tecnologias del lengatge, aplicadas als tèxtes occitans e la constitucion d’un còrpus de libres numerics, en complementaritat de sa tèsi sus las problematicas de l’edicion dels tèxtes occitans del sègle XIX e primièr sègle XX.

Ne saber +
Sus l’ANRT e lo dispositiu CIFRE

Cooperacion -De documents del CIRDÒC al musèu Les Abattoirs a Tolosa

L’exposicion presenta de pèças que suggerisson una perseguida entre l’art e lo real. S’i retròba l’evocacion de Tristan Tzara, fondator del movement Dada que participèt en 1945 a la creacion de l’IEO, a partir d’imatges e d’archius prestats en partida pel CIRDÒC.

Ne saber +
L’exposicion « Dévider le réel 

Mai de servicis – A cada recèrca, son otís

Cercar un CD, un DVD o un document estampat ? Mediatèca vos propausa + de 35 000 referéncias. Per descobrir d’archius inedits ? Consultatz las colleccions patrimonialas del CIRDÒC amb Archius e Manuscrits. Accedir al maximum de ressorsas ? Lo catalòg collectiu Lo Trobador es per vos.

Ne saber +
Tot lo detalh suls motors de recèrca del CIRDÒC
Far una recèrca :
– catalòg Mediatèca 
– catalòg Archius
– Lo Trobador, catalòg collectiu

Socializacion – Amb Brin de Paille, l’occitan al còr de la vida de Pailhièrs

La municipalitat de Palhièrs (Erau) rejonh las collectivitats territorialas, de mai en mai nombrosas, que desiran valorizar l’occitan dins lors otisses de comunicacion. Cada mes, pichons e grands se pòdon familiarizar o tot simplament profechar d’una expression idiomatica seleccionada amb l’ajuda del pòl mediacion del CIRDÒC

Ne saber +
De l’occitan dins los vòstres documents de comunicacion ? Contactaz-nos via lo servici question-responsa
Descobrir Brin de Paille

Edicion – Lo CIRDÒC partenari de las edicions Label Odero

Salins, vinhas, garrigas, autant de terradors que de mestièrs que ne valorizan las riquesas e que lo fotograf Gabriel Vitaux met a l’onor dins « Aude maritime ». Lo CIRDÒC acompanha un còp de mai l’editor per la traduccion occitana, confisada a Cédric Valmary.

Ne saber +
Descobrir l’obratge

Musica – Serada Cançons en òc amb la Sauze

Dijòus 19 de novembre a 18:00, rendètz-vos al CIRDÒC en cançon per rescontrar La Sauze, artista màger de çò que foguèt apelat la Nòva cançon occitana. En primièra partida, retorn sus 50 ans de creacion musicala occitana amb lo film documentari Una istòria occitana (2015) de Jean-Pierre Vedel.

Ne saber +
Venir a la serada

Accion territoriala – (Re)Descobrir Ives Roqueta, exposicion e jornadas d’estudis a Tolosa

Dins l’encastre de sas jornadas d’estudis sus Ives Roqueta, la BUC de Tolosa aculhís fins al 30/11, l’exposicion de l’autor occitan e del pintre Pierre François. Los dos complices i uniguèron lors talents respectius per propausar una version personala e contemporanèa d’un bestiari occitan del sègle XIII, ont se crosan, en francés e en occitan, argus, elefant emai grelh.

Ne saber +

Descobrir l’exposicion a la bibliotèca universitària centrala de Tolosa.

Leave a Reply

Tu dirección de correo electrónico no será publicada. Los campos necesarios están marcados *